AFP, 6 Mars 2020

New York (AFP) – Bill Klinton tha se kishte pasur një lidhje me Monica Lewinsky-n për ta ndihmuar atë të menaxhonte stresin e të qënit president ndërsa ai u hap në një dokumentar të lëshuar të Premten në lidhje me skandalin që çoi në impeachmentin e tij.

Në serialin me katër pjesë Hulu, Clinton përshkruan marrëdhëniet e tij seksuale në vitet 1990 me praktikanten e athershme 22-vjeçare të Shtëpisë së Bardhë si diçka që ai bëri “për të menaxhuar ankthet e mia me vite”.

Ai tha se ishte motivuar nga “presioni, zhgënjimet dhe terroret e jetes, frika nga çdo gjë” dhe tha se ndjehej “i tmerrshem” se afera kishte përcaktuar jetën e Lewinsky-t.

“Ne të gjithë sjellim bagazhet tona në jetë dhe ndonjëherë bëjmë gjëra që nuk duhet t’i bëjmë,” tha Clinton.

“Ishte e tmerrshme ajo që bëra,” shtoi 73-vjeçari.

Bill dhe Hillary Clinton u intervistuan veçmas për ato që ata kujtojnë nga ajo kohë për serialin me titull “Hillary”, fokusuar në jetën e ish zonjës së parë.

Marrëdhënia seksuale e Clintonit me Lewinskin dhe mohimi i mëpasshëm për këtë nën betim çoi në impeachmentin e tij në dhjetor 1998.

Ai u lirua nga akuza nga Senati në shkurt 1999, por skandali përcaktoi presidencën e tij.

Hillary Clinton thotë se ajo ndjehej e shkatërruar dhe e lënduar personalisht kur burri i saj i tregoi asaj lidhjen.

Ata të dy folën për mënyrën sesi Hillari i tha atij të informojë vajzën e tyre Chelsea përpara se lajmet të bëheshin publike.

“Kështu,e bëra,dhe ishte e tmerrshme,” tha ish-presidenti. “Ajo që bëra ishte e gabuar. Unë thjesht urrej të bëj keq, “shtoi ai.

Bill Klinton tha që askush në pozicionin e tij nuk do të mendonte për rreziqet që ata merrnin duke pasur nje lidhje.

“Ndjehesh sikur po tronditesh, sikur ke qenë në një ndeshje me 15-raunde që zgjat 30 raunde dhe këtu ka diçka që ta heq mendjen për një kohë. Kjo është ajo që ndodh, ”shpjegoi ai.

Presidenti i 42-te gjithashtu reflektoi mbi ate se si incidenti preku Lewinskyn, duke thënë se ai mendon se jeta e saj u përcaktua “padrejtësisht” nga kjo.

“Gjate viteve e kam shikuar duke u përpjekur të ketë përsëri një jetë normale. Por duhet të vendosësh se si të përcaktosh normalen, “i tha ai intervistuesit.

Të dy Clinton-ët reflektojnë mbi vendimin e Hillary-t për të qëndruar pranë burrit të saj.

“Unë i isha aq mirënjohës sa ajo mendoi se kishim akoma mjaft për të nxjerrë. Zoti e di barrën që ajo pagoi për këtë, “tha ish presidenti.

Veritas.com.al/