Ata fituan njohjen e lakmuar për studimet e tyre mbi raportet ndërmjet ndryshimeve klimatike, teknologjive të reja dhe tendencave makroekonomike

Fituesit e Çmimit Nobel për Ekonominë 2018, janë dy amerikanë.

Nordhaus dhe Paul M. Romer kane fituar njohjen e dëshiruar për studimet e tyre mbi marrëdhëniet midis ndryshimeve klimatike, teknologjive të reja dhe tendencave makroekonomike.

Të dy fituesit “kanë zhvilluar metoda që trajtojnë disa nga sfidat themelore dhe më të ngutshme të kohës sonë: kombinimi i rritjes afatgjatë të qëndrueshme të ekonomisë globale me mirëqenien e popullsisë së planetit. Zbulimet e tyre kanë zgjeruar dukshëm sjelljen e analizës ekonomike duke ndërtuar modele që shpjegojnë se si ekonomia e tregut ndërvepron me natyrën dhe njohuritë “, ka konfirmuar Akademia Mbretërore e Shkencave e Stokholmit duke shpallur çmimin.

Aktiviteti njerëzor, ka shpjeguar komiteti, ka kontribuar në rritjen e shpejtë të temperaturave mesatare në 100 vitet e fundit dhe kërkimi i amerikanit William Nordhaus tregon se si “aktiviteti ekonomik ndërvepron me kiminë dhe fizikën e bazës mbi dëmet e shkaktuara nga efektet e ndryshimit të klimës “.

Nordhaus ishte i pari që krijoi një model sasior që përshkruante ndërveprimin global midis ekonomisë dhe klimës. Modeli i tij tani është i përhapur dhe përdoret për të ekzaminuar pasojat e ndërhyrjeve mbi politikën klimatike, si për shembull taksat mbi lëshimin e CO2.

Romer, gjithashtu nga SHBA, ndërhyri gjatë prezantimit ne audio të drejtpërdrejt .Kërkimet e tij kane treguar “se si ekonomistët mund të ndjekin një normë rritjeje të shëndetshme ” dhe se si forcat ekonomike influencojnë kompanitë për të prodhuar ide të reja dhe inovacione.

Të dy fituesit do të ndajnë çmimin e 9 milion koronave (rreth 860 mijë euro).

Veritas.com.al/