Një aksident me pasojë vdekjen e dy personave, ka ndodhur sot pasdite në aksin rrugor Maqellarë- Peshkopi, ku një makinë u përplas me një motor. Ka humbur jetën drejtuesi i motorit,  një 34-vjeçar, së bashku me gruan e tij,  të identifikuar nga policia si Gentjan e Klodiana Karazajmi.

Dyshohet se aksidenti ka ndodhur si pasojë e mungesës së sinjalistikës. Ndërkohë drejtuesi i makinës që u përfshi në aksident, shtetasi A.B është shoqëruar në Komisariatin e policisë.

“Në aksin rrugor Maqellarë-Peshkopi,  shtetasi A.B, duke drejtuar automjetin e tij, dyshohet se është përplasur me një motoçikletë dhe për pasojë kanë humbur jetën dy bashkëshortë që udhëtonin me motorçikletë.

Drejtuesi i automjetit është shoqëruar në Komisariatin e policisë. Grupi hetimor ndodhet në vendngjarje.”,- njofton policia.

Veritas.com.al/