Euro ka shënuar rënie, duke u barazuar për herë të parë me dollarin amerikan. Sot 1 euro është e barabartë me 1 dollarë.

Sipas kursit zyrtar të këmbimit valutor të Bankës së Shqipërisë 1 euro këmbëhet në lekë me 117.57, njësoj  sa ç’këmbehet dollari me 117.51, i cili ka pësuar rritje.

Kështu, kompanitë dhe konsumatorët europianë do të paguajnë me shumë për mallrat dhe shërbimet që importohen, ndërsa eksportet europiane në tregjet ndërkombërtare do të bëhen më të lira.

E gjitha vjen si rezultat i pushtimit rus të Ukrainës dhe veçanërisht në kërcënimet e javëve të fundit, se si ofruesi kryesor i energjisë së Bashkimit Europian, Rusia do të ndërpriste plotësisht rrjedhat e gazit si kundërpërgjigje ndaj sanksioneve të Perëndimit.