Lista e zezë e nëpunësve të korruptuar e publikuar nga kryeministri Rama, është bërë sot ‘ushqim’ për mediat, për politikën dhe për institucionet.

Ish- ministri i Drejtësisë, deputet i Opozitës PD, Eduard Halimi, iu ka bërë thirrje prokurorëve dhe gjykatësve që të reagojnë kundër kryeministrit Rama, dmth., ‘ta dërgojnë në gjyq”.

Por ka ndodhur e kundërta.

Prokurori i përgjithshëm, Llalla, ka shkarkuar nga detyra dy prokurorë të përmendur në listë.

“Prokurori i Përgjithshëm ka shkarkuar nga detyra dy prokurorë”, raporton oraneës.

Prokurori i Përgjithshëm shkarkon nga detyra prokurorin e rrethit të Korçës, Kol Hysenaj dhe atë të Laçit, Hysni Vata.

Këta dy prokurorë ishin në listën e publikuar sot pasdite nga kryeministri Edi Rama.