Sot në mëngjes, Adriatik Llalla ka lënë zyrën e Prokurorisë së Përgjithshme pas mbarimit të mandatit. Në vend të tij zonja Arta Marku ka zënë zyrën e Prokurorit të Përgjithshëm, por kësaj here me emërtimin ‘prokurore e përkohshme’.

E zgjedhur dje me më pak se gjysmën e votave në Kuvend, kryeprokurorja e përkohshme,  Arta Marku e ka marrë sot detyrën nga paraardhësi i saj, Adriatik Llalla.

Ka qenë një ceremoni e thjeshtë e bërë në ambientet e Prokurorisë së Përgjithshme, ku Llalla i ka dorëzuar detyrën Markut.

Në ora 11.00 zonja Marku do të paraqitet në zyrën e Kuvendit- si takimi i parë zyrtar pas marrjes së detyrës.

Veritas.com.al/