Çmimet e karburanteve do të ulen sërish ditën e sotme pas orës 18:00 pasdite.
Bordi i Transparencës ka vendosur që çmimi i naftës sot të tregtohet 220 lekë/litër, më lirë se disa ditë më parë. Ky është sërish niveli më i ulët i regjistruar pas luftës në Ukrainë. E njëjta tendencë është dhe për benzinën që do të tregtohet 199 lekë/litër, kurse gazi do të kushtojë 81 lekë/ litër.
Bordi i Transparencës është ngritur nga Kryeministri Edi Rama për të kontrolluar tregun e çmimeve të karburanteve ndikuar nga bursa ndërkombëtare. Pas vendimit të Bordit, vraponi dhe mbushni makinën me karburant pas orës 18:00 ku nafta dhe benzina do të kushtojë më pak.