SPAK dhe Policia e Tiranës zbulojnë një tjetër bazë armatimesh të grupit të vrasjeve të me pagesë që operonin në kryeqytet e lidhje në të gjithë Shqipërinë. Bazuar në procedimin penal ndaj Gjergj Cukalit dhe vëllezërve Jamaku ku vëllezërit janë bërë bashkëpunëtorë të drejtësisë, është arritur të lokalizohet një tjetër arsenal armësh.

Report Tv, ka siguruar pamje ekskluzive kur policia e Tiranës ka arritur të shembë një mur dhe ka zbuluar arsenalin e armëve.

Arsenali ende i painventarizuar sipas SPAK është gjetur në banesën e Sokol Xhurës në Tiranë në një tunel të fshehur midis mureve në banesën e tij. Vendstrehimi, sipas SPAK, ishte krijuar brenda ish ndërmarrjes artistike “Migjeni“ në Tiranë, objekt në përdorim e pronësi të familjes Xhura. Vetë Sokol Xhura është i arrestuar në kuadër të operacionit ‘Kompleks’ i cili vijon të jetë i hapur sipas prokurorisë së posaçme.

Mëngjesin e sotëm, me kërkesë të SPAK, është kryer një kontroll në rrugën Xhanfize Keko, në ambientet e Sokol Xhurës, ish-ndërmarrja artistike “Migjeni”, pranë ish-oxhakut të kësaj ndërmarrjeje, në një ambient të izoluar plotësisht me mur.

Policia gjyqësore, pasi ka realizuar rrëzimin e murit, ka zbuluar depon e fshehur, ku janë gjetur një arsenal mjaft i madh, armesh të llojeve të ndryshme, kalibrave të ndryshëm, municione luftarake, lëndë plasëse të ndryshme, armë të kalibrave të ndryshëm me dylbi, etj. Nga ana e policisë gjyqësore është duke vazhduar dokumentimi me hollësi, i kësaj veprimtarie.

‘Në datë 09.04.2021, nga ana e prokurorisë së posaçme, është kërkuar Gjykates se Posaçme te Shkalles se Pare për Korrupsionin dhe Krimin te Organizuar, lejimi i kontrollit të ambienteve të të hetuarit në këtë procedim, shtetasit Sokol Xhura, i biri i Ismail-it dhe i Zeliha, i datelindjes 16.03.1978.

Mëngjesin e ditës së sotme, nga ana e policisë gjyqësore të Drejtorisë Vendore të Policisë Tiranë, është realizuar kontrolli i këtyre ambienteve, në rrugën Xhanfize Keko, ish-ndërmarrja artistike “Migjeni”, pranë ish-oxhakut të kësaj ndërrrmarrje, në një ambient të izoluar plotësisht me mur.

Policia gjyqësore, pasi ka realizuar rrëzimin e murit, ka zbuluar depon e fshehur, ku janë gjetur një arsenal mjaft i madh, armesh të llojeve të ndryshme, kalibrave të ndryshëm, municione luftarake, lëndë plasëse të ndryshme, armë të kalibrave të ndryshëm me dylbi, etj. Nga ana e policisë gjyqësore është duke vazhduar dokumentimi me hollësi, i kësaj veprimtarie. Për hollësi të mëtejshme, do të vijojë një komunikatë e detajuar nga ana e Drejtorisë Vendore të Policisë Tiranë.’- njofton SPAK.

Vetëm pak ditë më parë Policia e Shtetit në bashkëpunim meSPAK zbardhi tri ngjarje të rënda kriminale të ndodhura në Tiranë në periudhën 2017-2019, mes të cilave edhe vendosja e eksplozivit  shtetasit Artan Bylyku, kunati iDomart Konjarit, i cili akuzohet si porositësi për vrasjen e Devi Kasmit në vitin 2018.

Në kuadër te opracionit “Kompleks”,  u arrestuan 6 personave dhe u shpallën në kërkim 2 të tjerëv.

Konkretisht në pranga të policisë ranë Paris Prenga, Bledar Deda , Flor Abazi dhe Bujar Jaupi, ndërsa në kërkim janë shpallur Sokol Xhura, i cili është larguar jashtë vendit javë më parë, dhe në kërkim është edhe Akil Kulla. Ndërsa më herët janë arrestuar edhe Ermond dhe Enver Jamaku.

Gjithashtu u goditën edhe 18 baza që shërbenin për modifikimin, magazinimin dhe shitjen e armëve luftarake nga grupe kriminale, ndërsa është sekuestruar një arsenal i madh armësh.

Ndalimi i Paris Prenga, Bledar Deda , Flor Abazi u bë për arsye se këta persona, së bashku dhe me dy persona të tjerë të arrestuar më parë, Ermond Jamaku dhe Enver Jamaku, dyshohet se janë autorë të ngjarjes së ndodhur më datë 18 tetor 2019, në Tiranë, ku është tentuar të vritet me eksploziv të telekomanduar shtetasi Artan Bylyku, kunati i Domart Konjarit.

Sokol Xhura dyshohet se së bashku me dy persona të tjerë të arrestuar më parë, Ermond Jamaku dhe Enver Jamaku, janë autorë të sulmit me armë ndaj shtetasit Paulin Papleka avokat, ngjarje e ndodhur më datë 10 shtator 2017, në rrugën “Muhamet Deliu” në Tiranë.

Gjithashtu, këta persona dyshohet se janë autorë të vendosjes së lëndës eksplozive, granatës dhe armës së zjarrit, si dhe të një lënde narkotike të dyshuar si heroinë në banesën e shtetasit Edmond Saraçi, ngjarje e ndodhur më datë 15 shtator 2017 në Tiranë.