Ish-Kryeministri Sali Berisha ka kërkuar që qeveria të shpallë gjendjen e jashtëzakonshme për shkak të kushteve ekstreme të motit dhe të ftohtit te acartë.

Duke folur sot në seancë Parlamentare, ish-Kryeministri i quajti qesharake ndihmat prej 100 ton të qeverisë dhe tha se shumë familje janë pa ujë dhe pa ndihma ushqimore.

“Do kërkoj pak mirëkuptim se do merrem me një problem që në këto momente është imediat. Nëse kjo qeveri do të kishte ndjeshmërinë më të vogël ndaj situatës së të ftohtit, nuk do mund të kurrë të qëndronte pa shpallur gjendjen e emergjencës.

Njerëzve u janë mbaruar rezervat ushqimore. E thanë vetë se kanë shpërndarë 100 ton. Po ç’janë 100 ton? Janë dy kamionë, është turp ta dëgjojë njeri. Çfarë emergjence ka më shumë që të mos kesh bukë, mos kesh ujë, mos kesh ndihmë mjekësore?..

Të tjerë që thonë kemi një javë pa ujë. Unë kërkoj që të shpallet gjendja e emergjencës, që zonat të ndihmohen. Jeni trashur kaq shumë nga vjedhja saqë nuk ndjeni asgjë”, u shpreh ish-Kryeministri Berisha në seancë plenare.

/Veritas.com.al/