Kryetare e LSI, dhe bashkeshorte e Ilir Metës, zonja Monika Kryemadhi, para dy ditesh premtoi se sa te mare pushtetin do te jape 1000 euro per çdo femije te posalindur.

Ndersa ndryshe ka premtuar, po per bebet e sapolindura, vete kryetari i Opozitës, Lulzim Basha.

Pjesë e programit ekonomik të Partisë Demokratike ishte edhe mbështetja për familjet. Basha u shpreh se çdo familje do të përfitoj për të porsalindurit një pagesë mujore prej 3 mijë lekë të reja për pesë vitet e para të jetës.

“Ne do të mbështesim familjet shqiptare. Çdo familje do të përfitoj për të porsalindurit një pagesë mujore prej 3 mijë lekë të reja për pesë vitet e para të jetës. Çdo vit të qeverisjes time 5 mijë çifte dhe familje të reja do të përfitojnë nga subvencionimi I plotë I interesave të kredive për strehim, çka do të thotë për ju të sapomartuar apo të sapofejuar apo që doni të hidhni këtë hap në jetë por që nuk keni asnjë mundësi as ta çoni nëpër mend blerjen e një banese, se pas 25 prillit qeveria juaj do të paguaj 100% interesat bankare për çdo kredi që do të merrni për të blerë një apartament apo një banesë.

Në fund të mandatit tonë të pare, do të jenë 20 mijë çifte dhe familje të reja që do të kenë siguruar strehim përmes kësaj skeme të subvencionimit të interesave”, tha Basha.

VERITAS.COM.AL