ROME — Papa Françesku lëshoi një raport të tmerrshëm mbi gjendjen e planetit, të martën, duke këmbëngulur se toka po vuan krizën më të rëndë mjedisore të historisë së saj.
Për një kohë të gjatë, toka “ka vuajtur nga plagët që ne shkaktojmë për shkak të një qëndrimi grabitqar, i cili na bën të ndihemi pronarë të planetit dhe burimeve të tij dhe na autorizon të përdorim në mënyrë të papërgjegjshme te mirat materiale që Zoti na ka dhënë”, deklaroi Papa në një mesazh me video për nisjen e platformës Laudato Si, një projekt ekologjik shtatë-vjeçar.
“Sot, këto plagë shfaqen në mënyrë dramatike në një krizë ekologjike të paparë që prek tokën, ajrin, ujin dhe, në përgjithësi, ekosistemin në të cilin jetojnë qeniet njerëzore,” paralajmëroi ai në fjalën e tij në gjuhën spanjolle.
“Pandemia aktuale ka sjellë në dritë edhe më akuten thirrje te natyrës dhe të të varfërve, të cilët janë ata që vuajnë më shumë,” shtoi ai.
Papa vazhdoi të bënte thirrje për “një qasje të re ekologjike” për të transformuar “mënyrën se si njerëzit banojnë në botë, stilet tona të jetesës, marrëdhëniet tona me burimet e tokës dhe, në përgjithësi, mënyrën tonë për të parë qeniet njerëzore dhe për të jetuar jetën”.
Siç ka bërë në raste të tjera, papa nxiti miratimin e një “ekologjie integrale humane”, e cila përfshin “çështjet mjedisore, por edhe njeriun në tërësinë e tij dhe bëhet i aftë të dëgjojë britmën e të varfërve dhe të jetë një tharm për një shoqëri te re ”.
Françesku paralajmëroi gjithashtu se “egoizmi, indiferenca jonë dhe papërgjegjësia jonë” kërcënojnë të ardhmen e brezave që do të vijnë.
“Prandaj përtërij apelin tim,” tha ai, “le të kujdesemi për Nënën tonë Tokë, le të kapërcejmë tundimin e egoizmit që na bën grabitqarë të burimeve, le të kultivojmë respekt për dhuratat e Tokës dhe krijimit, le të inauguroni më në fund një mënyrë jetese dhe shoqëri ekologjike-të qëndrueshme. ”
“Nga duart e Zotit kemi marrë një kopsht; ne nuk mund t’i lëmë fëmijëve tanë një shkretëtirë, “deklaroi ai.
Papa vazhdoi duke lavdëruar punën e projektit Laudato Si, duke shtuar se ndjekja e ekologjisë integrale përfshin “përgjigjen ndaj britmës së Tokës, përgjigjen ndaj britmës së të varfërve, ekonomisë së gjelbër, miratimin e një stili të thjeshtë jetese, edukimin e gjelbër, spiritualitetin e gjelbër dhe angazhimin e komunitetit. ”
“Ka shpresë,” përfundoi ai. “Ne të gjithë mund të bashkëpunojmë, secili me kulturën dhe përvojën e tij, secili me iniciativat dhe kapacitetet e veta, në mënyrë që nëna jonë Toka të rikuperojë bukurinë e saj origjinale dhe krijimi të mund të shkëlqejë përsëri sipas planit të Zotit.”
VERITAS.COM.AL
74 282 
