Një ndër këta edhe Wolfgang Lucht, i cili është drejtuesi i Departamentit të Kërkimit në Universitetin e Berlinit dhe njëkohësisht anëtar i Këshillit të Qeverisë gjermane.

Me anë të një postimi në median sociale Twitter, ai shkruan se ambasadori i Shqipërisë ka dhënë deklaratën më të qartë, më të palëkundur dhe më të vendosur nga të gjitha të tjerat.

 

“Gëzohem që Shqipëria po përfaqëson kaq mirë Evropën”, shprehet Lucht.

 

Por, çfarë deklaroi ambasadori i Shqipërisë në OKB?

Hoxha e nisi fjalimin e tij më një paraqitje të situatës në Ukrainë, ku në momentin që ambasadorët po diskutonin ajo po bombardohej.

“Ukraina po bombardohet nga një vend më i fuqishëm, fqinji i tij, që ka vendosur se dëshiron të kthejë mbrapsht orën historike, anëtar i Përhershëm i Këshillit të Sigurimit, të cilit bota i ka dhënë fuqinë dhe besimin për të vendosur për paqen dhe sigurinë”, tha ambasadori shqiptar duke mos e kursyer Rusinë.

Sipas tij, kjo e fundit me agresionin e saj të paprovokuar, jo vetëm që po shkakton dhimbje të patregueshme, por po shkakton një situatë të paprecedentë humanitare.

Hoxha ravijëzoi se Rusia ka njollosur Kartën e OKB-së me gjak të pafajshëm, po varros nën rrënojat e shkatërrimit në Kiev dhe qytete të tjera të Ukrainës.

Ai u bëri thirrje të gjitha shteteve që të thonë JO, ta ndalin këtë çmenduri.