Nga: BREITBART LONDON

PARIS (AP) – Ish-Presidentit Francez Zhak Shirak iu dhanë të gjitha nderimet ushtarake të hënën ndërsa ish liderët dhe ata të tanishëm botërorë u mblodhën në Paris për të marrë pjesë në shërbimin e fundit ndaj tij.

Në një mëngjes të butë, me diell, Presidenti Francez Emmanuel Macron përshëndeti një figurë solemne ndërsa kryesoi ceremoninë pranë vendit të varrit të Napoleonit në oborrin e Les Invalides. Një bandë ushtarake luajti himnin kombëtar, “La Marseillaise”, përpara se Macron të inspektonte trupat. Arkivoli i Shirak, mbuluar me një flamur trengjyrësh, u dërgua më pas në qendër të oborrit.

Macron, i cili nuk foli, mori pjesë gjithashtu në një shërbim përkujtimor në Kishën e Saint-Sulpice në qendër të Parisit, së bashku me dhjetëra politikanë francezë dhe zyrtarë të huaj, duke përfshirë presidentin rus Vladimir Putin, ish presidentin e SHBA Bill Klinton, ish-kancelarin gjerman Gerhard Schröder dhe Mbretin e Jordanez Abdallah II.

Një funeral privat u bë më vonë në varrezat e Montparnasse.

Një shërbim familjar privat në kishë për Shirak u celebrua para nderimit ushtarak dhe një minutë heshtje u mbajt në shkolla dhe ndërtesa publike në të gjithë vendin të hënën në ditën kombëtare të zisë së Francës për ish-udhëheqësin e saj.

Një shtyllë e politikës franceze gjatë katër dekadave, Shirak shërbeu si kryetar i bashkisë se Parisit, një ligjvënës, kryeministër dhe president i Francës nga 1995 deri në 2007. Kreu i fundit i shtetit francez që përfundoi dy mandat në detyrë, Shirak vdiq të enjten në moshën 86 vjeç.

I njohur për mbrojtjen e sensit të kombit e të madhështisë se tij, Shirak kujtohet me dashuri pavarësisht dështimeve politike dhe një bindje për korrupsion të vitit 2011 nga veprimet gjatë afro dy dekadave të tij si kryetar i bashkisë se Parisit. Si president nga 1995-2007, ai ishte një diplomat i gjithanshëm global, por nuk arriti të reformojë ekonominë franceze ose të minimizojë tensionet midis policisë dhe të rinjve të pakicave që shpërthyen në trazira në të gjithë Francën në 2005.

Një herë i quajtur me nofkën “Super gënjeshtar”, popullariteti i tij u rrit pasi ai u largua nga detyra. Mijëra persona ne zi i dhanë lamtumiren të Dielën në Les Invalides, ku trupi i tij ishte shtrirë në prag të shërbimit përkujtimor. Pjesëmarrësit ne zi u mblodhën herët jashtë Kishës së Saint-Sulpice përpara shërbimit final të Shirak.

“Ai ishte një njeri i madh që kishte një klas fantastik absolut në të gjitha rrethanat,” tha një anëtar i publikut, Nadine Prevost. “Ai dinte të fliste me të gjithë me një thjeshtësi dhe madhështi dhe kjo është ajo që bëri pasurinë e kontaktit të tij.”

VERITAS.COM.AL/