Në Ariston këngëtari fiton me këngën “Fai rumore”. Në podium në vendin e dytë Gabbani dhe në të tretin Pinguini Tattici Nucleari

Paolo Giordano

Në fund ka fituar Diodato me këngën ” Fai rumore ” (e cila mori edhe çmimin e kritikës), dhe në fakt për të është një shenjtërim i vërtetë pas vitesh praktikë dhe suksese per gjysmë .

Finalistët ishin Gabbani, Diodato, Pinguii Tattici Nucleari.

Një treshe e pritur mes fishkëllimave në Ariston sepse televotimi (i cili hyri në lojë vetëm në mbrëmjen e fundit) ka prishur klasifikimin e ditëve të fundit.

Në thelb, ishte një Festival jashtëzakonisht i ekuilibruar deri në fund, sepse edhe treshja finale kishte karakteristika krejtësisht të ndryshme. Gabbani shumë i fortë në skenë me këtë këngë me titull Viceversa plot me kontradiksione dhe lojë fjalësh e cila është unike në historinë recente të këngës italiane. Diodato me një pjesë me një zë të mahnitshëm dhe një tekst të rëndësishëm që përqendrohet në nevojën, madje mbi nevojën për të “bërë zhurmë”, për tu dëgjuar, për të mundur indiferencën dhe vetminë midis njerëzve. Në fund,bergamasket Pinguini Tatici Nucleari , të cilët tashmë kanë ezauruar dy Forume në Milano paraprakisht përpara se të njoftonin pjesëmarrjen e tyre në Festival. E tyrja ishte një pasazh që, përtej lehtësisë së tekstit, ka edhe një aspekt shoqëror. Eshtë një elozh i “staredietrizmit” (per të përdorur nje mënyrë për të bërë slogane tipike të Fiorellos në këto mbrëmje), një mirenjohje për atë që Ringo Starr është ,në një botë që dëshiron të jetë Paul McCartney dhe John Lennon. Sublimimi i krahut në periudhën e lartësimit të solizmit dhe te vetmisë.

Në çdo rast, treshja e finalistëve ishte në thelb e paparashikueshme para ditës së enjte. Finalistët e imagjinuar, shpresuar, të thirrur nga publiku në rrjetet sociale ishin të tjerë. Irene Grandi, për shembull, me një tekst të Vasco Rossit, një rikthim që pritej prej vitesh dhe, në përgjithësi, një këngë me potenciale të mira rock dhe radiofonike që në fakt përfundoi në vendin e nëntë. Elodie u dha gjithashtu si fituese ose pothuajse, gjithashtu falë një kënge me potencial të padyshimtë radiofonik. Dhe Anastasio? Për shumë do të ishte surpriza dhe përkundrazi u klasifikua vetëm i trembëdhjeti në fund. Idem për Junior Callly, këngëtari më i përfolur në javët e mëparshme për shkak të teksteve të dhunës së rrallë dhe e vështirë për t’u kuptuar për ata që nuk e kuptojnë apo nuk e dinë universin e rap-it. Më në fund një mendim për një nga fituesit moralë, që është e papërmbajtura Rita Pavone, e shtatëmbëdhjeta, dhe për Achille Lauro, qe fitoi prapeseprape falë aftësisë për të ndryshuar look çdo mbrëmje dhe për të gjetur gjithmonë një origjinal dhe befasues (për të mos përmendur puthjen me kitaristin e tij Boss Doms).

Shkurt, një edicion që ka funksionuar, jo vetëm për dëgjimet, por mbi të gjitha për besnikëri ndaj kodit origjinal të Festivalit: te argëtoje familjet italiane me muzikë të lehtë.

VERITAS.COM.AL