Kryeministri Edi Rama ka përsëritur edhe sot thirrjen për dialog ndaj protestuesve, duke shprehur gatishmërinë e qeverisë për të dëgjuar kërkesat e tyre dhe për të shqyrtuar propozimet e paraqitura.

Përmes një postimi në rrjetet sociale, Rama ka publikuar pamje nga sofra e gurtë e vendosur përpara Kryeministrisë, ku është vendosur edhe mbishkrimi “Dialog”, në një tjetër përpjekje për të përcjellë mesazhin e gatishmërisë për bisedime.

Megjithatë, protestuesit vijojnë të refuzojnë ftesën e kryeministrit.