Bashkimi Europian kërkon që Shqipëria të ndryshojë legjislacionin për dënimin si vepër penale të prostitucionit, sipas gazetës së përditshme “Panorama”.

EURALIUS ka kërkuar nga Ministria e Drejtësisë që të ndryshojë nenet 113 dhe 115 të Kodit Penal, për të mos ndëshkuar prostitutat që kërkojnë vetë ta ushtrojnë këtë profesion, shkruan sot gazeta.

“Shtetet europiane janë duke diskutuar aktualisht dënimin e prostitucionit duke ndjekur modele të ndryshme. Disa shtete janë më liberale në qasjen e tyre, duke u mundësuar prostitutave shfaqjen pa probleme, pa pasur frikën e sanksioneve penale, dhe e kufizojnë dënimin në rastet e prostitucionit të detyruar, përfshirjes së fëmijëve dhe raste të tjera të rënda. Neni 113 dhe neni 115 duhet të shfuqizohen. Por, meqenëse kjo mund të çojë në një diskutim politik i cili mund të shtyjë reformën, ky vendim mund të merret më vonë”, thotë EURALIUS.

Misioni i BE në Shqipëri për përafrimin e legjislacionit të vendit tonë me BE-në, shton gjithashtu se bandat kriminale përdorimin dënimin si kërcënim ndaj prostitutave që ato të mos largohen, prandaj shumë shtete evropiane u mundësojnë atyre mbrojtje dhe jo dënim.