Ka vdekur kreu i mafias italiane të Cosa Nostras. Bernardo Provenzano mësohet se ka ndërruar jetë sot në qelinë e tij, pasi ishte i dënuar për jetë.

Bosi 83-vjeçar i arrestuar në 11 prill të 2006 pas një arratie prej 43 vitesh ishte prej kohësh i sëmurë.

Ai ishte vënë në pranga në një zonë jo shumë larg familjes së tij në Korleone.

Shumë herë avokatët e Procenzanos kishin kërkuar që ai të dërgohej në spital dhe të ruhej nga policia, ose të trajtohej në burg, por kërkesat e tyre gjithmonë ishin kthyer mbrapsh nga ana e drejtësisë italiane.