TIRANË- Gjykata Tiranës ka shpallur fajtor dhe ka dënuar me burg Mario Perlleshajn.

Ai u dënua me 12 vite për vrasjen e Martin Canit dhe 10 vite për tentativën e vrasjes së Luis Meçes, por në bashkim të dënimeve përfundimisht u dënua me 16 vite heqje lirie.

Prokuroria e Tiranës kërkoi 25 vite heqje lirie për të miturin Mario Përlleshaj, i cili vrau me thikë bashkëmoshatarin e tij Martin Canin dhe plagosi Luis Meçen, një vit më parë pranë shkollës, Fan Noli në kryeqytet.