(Ura e Hoshtevës, Zagori, pas shirave)/

Reshjet e ditëve të fundit lanë një faturë dëmesh të pallogaritshme në Monumentet e kulturës. Dy ura të kategorisë së Parë, ajo e Ura Orgockës ne Kolonjë dhe ajo e Hoshtevës në Zagori u shembën plotësisht duke i hequr listës së pasurive dy vlera të parikuperueshme sipas ekspertëve.

Ura, e cila daton në fund të shekullit të 17 ishte shembur pjesërisht para viteve ‘90, por dy ditë më parë edhe pjesa e mbetur është marrë nga rrjedha e lumit. Ndërtimi sipas të dhënave i përket periudhës osmane e përveçse një monument kulture i kategorisë së parë shërbente edhe për lidhjen e disa fshatrave në zonë.

“Është shembur totalisht. Për fat të keq është e parikuperueshme vlera e harkut të shembur sepse është një gjatësi prej 17 metrash dhe një mënyrë zgjidhje shumë interesante, nga më të mirat e kohës. Për fat të keq, rindërtimi, por edhe restaurimi i saj do të kushtonte një vlerë shumë të madhe edhe në gjendjen që ajo ishte”, u shpreh Gjergji Koki, drejtor i monumenteve të kulturës.

 

Shembja e Urës së Orgockës në Kolonjë është një prej humbjeve me vlera të pallogaritshme që reshjet intensive të këtij fillim shkurti i dhanë Monumenteve të Trashëgimisë Kulturore.

Prurjet e rrëmbyeshme të Osumit, në rrethin e Kolonjës shembën plotësisht harkun e mbetur të urës.

Dhe tashmë sipas ekspertëve çdo ndërhyrje mund ti riktheje asaj funksionin e lidhjes së dy anëve të lumit, por jo vlerat monumentale.

Gjergji Koki: Ekzistojnë vetëm dy këmbë të kësaj ure për fat të keq, pjesa e harkut është shembur për shkak të motit të keq. Rikuperimi i saj do të ishte thjesht një rindërtim por jo se do të kthente vlerën monumentale të saj.

Ura, Monument Kulture i kategorisë së parë, që vlerësohet të jetë ndërtuar rreth shekullit të 17, nuk kishte parë asnjë ndërhyrje restauruese nga ekspertët, përveç asaj të ushtrisë pas përmbytjeve të dhjetorit të kaluar.

Gjergji Koki: Për shumë vite me rradhë aty nuk ka pasur asnjë lloj ndërhyrje të mirëfilltë restaurimi dhe mirëmbajtje.

Fat të ngjashëm pati edhe ura Hoshtevës në Zagori të Gjirokastrës edhe pse kambana e rrezikut kishte rënë prej kohësh.

Veritas.com.al/