Ngjarja shumë e rëndë ka ndodhur në Korfuz. 28 vjeçarja Angeliki Petro, shqiptare nga Berati, është ‘heroina’ dhe viktima e tragjedisë. Ajo nuk e kishte njohur të atin deri në moshën 16 vjeç. Që  nga momenti kur u takuan, i ati emigrant në Korfuz e mori të bijën me vete.

Prej 13 vjet ajo jeton në ishullin grek përballë Sarandës, ku nisi edhe jetën e saj në një lidhje me një djalë nga Afganistani- edhe ai emigrant.

Babai i saj, Aleko Petro, 52 vjeç nga Berati, nuk e pranoi dot lidhjen e të bijës me Aliun- djalin nga Afganistani; dhe sipas dëshmive të deritanishme kjo ishte arsyeja pse e vrau të bijën

Babai e vrau dhe fshehu në një gropë prpapa shtëpisë. Policia që hetonte mbi krimin u ndesh me kërkesën e papushimtë të babait vrasës që i thoshte Policisë: “Më gjeni vajzën time!”.

Por erdhi një moment që hoqi dorë nga kërkesa ndaj policisë dhe dëshmoi të vërtetën.

Ngjarja e rëndë ka ndodhur në fshatin Alepu në Korfuz, kur 28-vjeçarja Angjeliki Petro ka humbur jetën pas goditjeve të forta me armë të ftohta në kokë.

Vajza ishte shpallur dje paradite e humbur, ndërsa pas presionit të policisë babai shqiptar, për të cilin mediat greke shkruajnë si ‘ishte minoritar grek nga Shqipëria’, ka pranuar se e vrau të bijën pasi kishte lidhje intime me një shtetas afgan.

Sipas mediave ishte i dashuri i Angelikisë, Aliu, që kërkonte vajzën por nuk po e gjente.

Anxhelina Petro lindi në maj të vitit 1990, por me të atin, Aleko, u njoh vetëm 13 vjet më parë. Deri në moshën 15 vjeçe, vajza jetonte në Shqipëri. Kohët e fundit, ajo kishte ikur nga shtëpia dhe bashkëjetonte me të dashurin Ali, në një zonë tjetër të Korfuzit.

Policia ka arrestuar vrasësin ndërsa pritet dhe autopsia e trupit të viktimës nga mjekët ligjorë.

Veritas.com.al/