Pak ditë pasi Presidenca i bëri kërkesë Prokurorisë për të verifikuar numrin që sipas saj i ka bërë presion zëdhënësit për media të presidentit Ilir Meta, Tedi Blushit, vetë zoti Blushi është thërritur në prokurori për të dhënë dëshminë e tij.

Sipas presidencës, personi që ka telefonuar Tedi Blushin i ka kërkuar që të fshijë një status në rrjetet sociale të bërë për shkak të detyrës.

Meta sulmoi edhe diplomatët e huaj në Shqipëri duke i bërë përgjegjës për këtë kërcënim. Presidenti Ilir Meta u shpreh se zëdhënësi i tij ishte shantazhuar në emër të një ambasade të huaj. Sipas tij shantazhi kishte ardhur vetëm 30 minuta pas statusit të bërë nga Blushi në përgjigje të Ambasadës Amerikane duke i quajtur ndërkombëtarët- ‘grup të strukturuar’ diplomatik, që krijon konotacion me fjalorin ‘grup i strukturuar’ kriminal.

Veritas.com.al/