Një aksident i rëndë automobilistik ka ndodhur në aksin rrugor ‘Librazhd-Prrenjas’, shkruan A2 CNN.

Përmes një njoftimi Policia bën të ditur se një automjet është përplasur me një kamion dhe si pasojë ka humbur jetën drejtuesi i makinës, një 31-vjeçar, si dhe është plagosur pasagjeri që udhëtonte me të.

Drejtuesi i kamionit është shoqëruar për në Polici, ndërkohë që grupi hetimor vijon punën për zbardhjen e plotë të rrethanave të ngjarjes.

Njoftimi i Policisë:

Në aksin rrugor “Librazhd-Prrenjas”, automjeti me drejtues shtetasin E. M., 31 vjeç, banues në Korcë, është përplasur me kamionin me drejtues shtetasin H. Z., 30 vjeç. Si pasojë e aksidentit ka humbur jetën në vendngjarje shtetasi E. M., dhe është dëmtuar pasagjeri që udhëtonte me të, i cili është në kujdesin e mjekëve.

Drejtuesi i kamionit, shtetasi H. Z., është shoqëruar në polici, për kryerjen e veprimeve procedurale.

Grupi hetimor vijon punën për zbardhjen e rrethanave dhe shkakut të aksidentit.