Një  aksident i rëndë është shënuar në aksin Fier-Lushnje këtë të hënë (datë 25 Maj).

 Autoambulanca qe po transportonte nje pacient nga Saranda per ne Tirane, ka dalë nga rruga dhe si pasojë ka humbur jetën një person.

Nga informacionet e para, mësohet se viktima eshte Medi Marku, pacienti që ndodhej në autoambulancë. Gjithashtu, është dëmtuar drejtuesi i ambulancës, i cili ndodhet në spitalin e Lushnjes nën kujdesin e mjekëve.

Ndërkohë, policia ka mbërritur menjëherë në vendngjarje dhe po punon për zbardhjen e plotë të aksidentit.


Informacion paraprak

Sot rreth orës 17:50, në aksin rrugor Fier-Lushnje, në afërsi të fshatit Krutje, një ambulancë që po transportonte një pacient drejt Tiranës, ka dalë nga rruga.

Si pasojë ka ndërruar jetë pacienti, shtetasi M.M, 62 vjeç, dhe është dëmtuar drejtuesi i ambulancës, shtetasi N.H, 55 vjeç, banues në Sarandë, i cili ndodhet në spitalin e Lushnjes nën kujdesin e mjekëve.

Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarje.

VERITAS.COM.AL

Etiketa:

  • aksident
  • Ambulanca