HOUSTON (AP) — Ish Zonja e Parë, Barbara Bush, “po humb shëndet” dhe nuk kërkon më trajtim shëndetësor shtesë”, tha një zëdhënës i familjes Bush, siç raporton AP.

“Pas një seri shtrimesh në spital, dhe pas disa konsultimeve me familjen e saj dhe doktorët, zonja Bush, tani 92 vjeç, ka vendosur që të mos kërkojë shtesë në trajtimin mjekësor; dhe në vend të kësaj të fokusohet në kujdesin për një gjendje të rehatshme”, tha zëdhënësi Jim McGrath.

McGrath nuk i trajtoi problemet e shëndetit të zonjës Bush si ‘natyrale’’. Ajo është trajtuar për dekada për ‘sëmundje të rëndë’që vjen nga tyroidet. Zonja Bush ka kryer operacione në vitin 2009 për ngushtim të valvulës kryesore në zemër dhe ishte shtruar një vit më parë për ulçera në stomak.

“Ünë nuk do të surprizoj ata që e njohin zonjën Barbara Bush se si përballet me gjendjen shëndetësore, jo duke u ankuar për vete, por për të tjerët”, tha McGrath. “Ajo është e rrethuar nga familja që e adhuron; dhe ka marrë shumë mesazhe sidomos nga ata që luten për shëndetin e saj”.

Bush, që tani jeton në Houston, është një nga dy Zonjat e Para që janë gjithashtu edhe nëna tw dy presidentëve të Shteteve të Bashkuara. Mamaja tjetër është Abigail Adams, gruaja e John Adams, president i dytë i kombit Amerikan dhe mama e John Quincy Adams, president i gjashtë i SHBA.

Zonja Bush u martua me George H.W. Bush në 6 janar, 1945. Ata kishin gjashtë fëmijë dhe një martesë më të gjatë mes çifteve presidenciale në historinë Amerikane.

Tetë vjet pasi ajo dhe i shoqi i saj lanë Shtëpinë e Bardhë, djali i tyre George W. Bush u betua si president i 43-të i SHBA.

Veritas.com.al/