Altin Basha, regjisor, një prej artistëve më  në zë të brezit të tij, ka reaguar mbi fatin e teatrit të vjetër dhe të ardhmen e një teatri tjetër, të ri. Ai shkruan:

‘Qartë dhe shqip, unë mendoj se duhet një godinë e re.

Pjesa muzeale mund të zgjidhet brenda godinës së re.

Si regjisor, po ju deklaroj me përgjegjësi, se ajo godinë nuk ofron mundësinë për zhvillimin e një krijimtarie cilësore teatrore dhe, për rrjedhim, një cilësi të ulët produkti për spektatorët dhe qytetarët.’

Lidhur me deklaratën e zotit Basha, regjisor, ka reaguar kryeministri Edi Rama, i cili shkruan:

‘Regjisori Altin Basha, një ndër emrat më të spikatur të gjeneratës së re të krijuesve të skenës, mbështet njësoj si shumica dërrmuese e komunitetit teatror shqiptar, ndërtimin e Teatrit të Ri Kombëtar dhe shembjen e gërmadhës ekzistuese’.

VERITAS.COM.AL/