Bebe Rexha ka mbërritur në Shqipëri. Këngëtarja shqiptare, me famë botërore ka shkuar për herë të parë në Bubq, një zonë e cila u prek shumë nga tërmeti. Në një prononcim për medie, Bebe ka shprehur keqardhjen për 51 viktimat e tërmetit 6.4 ballë që tundi vendin më 26 nëntor. Këngëtarja tha se erdhi në Shqipëri, për t’u qëndruar afër shqiptarëve, gjakut të saj.

Bebe tha se tashmë janë duke mbledhur fonde dhe se do t’u ndërtojë shtëpi, dy familjeve.

Bebe u shoqërua në Bubq nga aktori Bes Kallaku dhe këngëtarja Xhensila Myrtezaj. Bebe hyri brenda banesave të dëmtuara.

Këngëtarja mori dhurata nga banorët, ndërsa nuk harroi t’u shpërndante ëmbëlsira fëmijëve të vegjël, nga valixhja e madhe që solli nga Amerika.