Presidenti Donald Trump mbrojti të martën vendimin e tij për të lejuar Administratën e Shërbimeve të Përgjithshme (GSA) të koordinojë me ish Zëvendës Presidentin Joe Biden për një tranzicion të pushtetit.
“Mos harroni, GSA ka qenë e jashtëzakonshme dhe Emily Murphy ka bërë një punë të shkëlqyeshme, por GSA nuk përcakton se kush do të jetë Presidenti i ardhshëm i Shteteve të Bashkuara,” shkroi Trump në Twitter.
Trump tha të hënën në mbrëmje se ai do të lejojë Administratoren e GSA Emily Murphy të fillojë hapat fillestarë për një kalim të pushtetit tek Biden pasi ajo mori një seri kërcënimesh nga mbështetësit e zemëruar të Biden.
“Ajo është ngacmuar, kërcënuar dhe abuzuar – dhe unë nuk dua të shoh që kjo të ndodhë me të, familjen e saj ose punonjësit e GSA,” tha Trump.
GSA lëshoi 6,300,000 dollarë fonde për ekipin e Biden për të filluar tranzicionin e pushtetit.
Media dhe figurat politike të establishmentit festuan lajmin e vendimit të Trump si një shenjë që ai po lëvizte për të pranuar humbjen ne zgjedhjet e vitit 2020 pavarësisht nga një sfidë ligjore ne proces.
Ekipi i Biden gjithashtu festoi lajmin në një deklaratë, duke pohuar se administratorja e GSA kishte “konstatuar” se ata ishin “fituesit e dukshëm të zgjedhjeve”.
“Vendimi i sotëm është një hap i nevojshëm për të filluar trajtimin e sfidave me të cilat përballet kombi ynë, duke përfshirë marrjen nën kontroll të pandemisë dhe ekonominë tonë përsëri në rrugën e duhur,” tha në një deklaratë Drejtori Ekzekutiv i Tranzicionit te Biden-Harris, Yohannes Abraham.
VERITAS.COM.AL/
75 556 
