Jamarbër Malltezi ka dalë këtë të hënë para Gjykatës së Posaçme për të mësuar nëse do të miratohet apo jo masa e sigurisë “arrest me burg” ndaj tij, dhënë nga SPAK, pas akuzave për korrupsion dhe pastrim parash.
Seanca është ndërprerë dhe do të rifillojë pas dy orësh, me kërkesë të avokatëve mbrojtës të Malltezit dhe ndërtuesit Fatmir Bektashi. Avokatët e tyre kanë kërkuar 2 orë kohë për t’u njohur me aktet e dosjes.
Nga ana tjetër, avokati i Sali Berishës, Genc Gjokutaj, nuk është lejuar të marrë pjesë në seancë, pasi masa e sigurisë ndaj tij nuk po shqyrtohet, për shkak se nuk është ekzekutuar ende. Gjykata ka dhënë masën e sigurisë “detyrim paraqitje” dhe “ndalim i daljes jashtë shtetit” për ish-kryeministrin, por kur të shtunën efektivët e policisë shkuan për ta ekzekutuar masën, nuk u takuan dot me zotin Berisha. Ishte ky i fundit që tha se nuk i kishte pritur fare në zyrë.
Përveç arrestimit të tij të shtunën në mbrëmje, në aeroportin e Rinasit, Gjykata ka vendosur sekuestro preventive edhe ndaj disa pasurive të tij, listën e të cilave A2 CNN ka mundur të sigurojë.
1. Truall me sipërfaqe 102.60 m2.
1. Apartament me sipërfaqe 208.20 m2 i ndodhur në Rr. “Deshmorët e 4 Shkurtit”, Tiranë
3. Apartament me sipërfaqe 346 m2.
4. Apartament me sipërfaqe 356.3 m2
5. Njësi me sipërfaqe 459.6 m2
6. Njësi me sipërfaqe 379.6 m2
5. Njësi me sipërfaqe 459.6 m2
6. Apartament me sipërfaqe 375 m2
7. Truall dhe vilë (apartament duplex) i vendosur mbi këtë truall me sipërfaqe ndërtimi 76.23 m2 e ndarë në kati përdhe me sipërfaqe 76.23 m2, kati i parë me sipërfaqe 76.22 m2 si dhe verande me sipërfaqe 22.73 m2.
8. Pasuri me sipërfaqe 107 m2, Ruga Frosina Plaku, kati përdhes i godinës 9 (nëntë) katëshe, shkalla 2.
9. Masën 45% të kuotave të kapitalit themeltar të shoqërisë Homeplan sh.p.k. me NIPT K81803020E, në emër të shtetasit Jamarbër Malltezi;
10. Masën 100% të kuotave të kapitalit themeltar të shoqërisë Magnet IMO sh.p.k. me NIPT L8J714031D, në emër të shtetasit Jamarbër Malltezi.
11. Masën 60% të kuotave të kapitalit themeltar të shoqërisë Magnet Gym&Fit, me NIPT L7202201OB, në emër të shtetasit Jamarbër Malltezi.
Lista e pasurive të Jamarbër Malltezit, të sekuestruara nga SPAK
75 461 
