Ka ndërruar jetë në moshën 81 vjeçare, senatori republikan John McCain. McCain ka vdekur të shtunën, në shtëpinë e tij në Arizona, njofton zyra e tij e shtypit.

McCain ishte senator në Shtetet e Bashkuara për tre dekada; kandidat Republikan për president të SHBA. Ai ishte diagnostikuar me kancer në tru që në korrik të vitit 2017.

Më parë ai kishte shërbyer si “hero”në Luftën e Vietnamit në vitet ’70.

Sipas njoftimit nga familja e tij, McCain ndërroi jetë pasditen e së shtunës, pranë gruas së tij, Cindyt.

Qeveritarët shqiptarë kanë reaguar menjëherë pas lajmit mbi vdekjen e senatorit amerikan.

Kryeministri Rama e falënderon dhe uron të prehet në paqe me një fjali në anglisht: “Thank you for all and rest in peace Senator”.

Presidenti Meta gjithashtu ppërdori fjalë patetike e të njohura:

‘Sot u largua nga jeta një hero lufte dhe një patriot i madh, njeriu që i shërbeu kombit të tij me vetëmohim, heroizëm e ndershmëri të pashoqe”.

Sali Berisha, ish president i Republikës:

“…John McCain, një hero i lirive dhe të drejtave të njeriut, amerikan i madh, ikonë e qëndresës së njeriut për vlerat që beson dhe mik i shquar i shqiptarëve”.

Bujar Nishani, ish- president i Republikës:

“Zoti e bekoftë trashëgiminë tuaj”

Veitas.com.al/