Janë bllokuar të gjitha fluturimet e parashikuara për sot në aeroportin e Rinasit. Vendimi i papritur është njoftuar para pak minutave ndërkohë që pritet dalja me një deklaratë e TIA dhe një tjetër e ministres së Infrastrukturës, Belinda Balluku. Kjo e fundit e ka quajtur grusht shteti, sipas së cilit prej tyre sot nuk mund të vijnë dot vaksinat anti-COVID, të sëmurët apo trupat e pajetë të shqiptarëve që kanë humbur jetën jashtë vendit.

Ja 13 fluturimet e anuluara që ishin parashikuar për ditën e sotme:

✈️Austrian Airlines – Tiranë – Vjenë dhe kthim

✈️Wizz Air – Tiranë – Milano dhe kthim

✈️Lufthansa – Tiranë – Frankfurt dhe kthim

✈️Air Albania – Tiranë – Stamboll dhe kthim

✈️Air Albania – Tiranë – Bolonja dhe kthim

✈️Aegean – Tiranë – Athinë dhe kthim

✈️Wizz Air – Tiranë – Bergamo dhe kthim

✈️Air Albania – Tiranë – Bergamo dhe kthim

✈️Austrian – Tiranë – Vjenë dhe kthim

✈️Pegasus – Tiranë – Stamboll dhe kthim

✈️TUI – Tiranë – Bruksel dhe kthim

✈️Air Albania – Tiranë – Romë dhe kthim

✈️Alitalia – Tiranë – Romë dhe kthim

Ndërkohë që mëngjesin e sotëm një avion i nisur nga Athina nuk ka mundur të ulet pasi ka qëndruar 30 minuta në ajër dhe është kthyer mbrapsht për në Greqi.

Kjo ka ndodhur si pasojë e fakti se kontrollorët e AlbControl vendosën sot të bënin një grevë duke bojkotuar punën në protestë për pagat dhe kushtet e punës.  Kontrollorët dhe punonjësit e tjetër të AlbControl kërkojnë rritje të pagës, pasi në prill 2020 ato janë ulur me 70%.

Një tjetër fluturim i prekur nga kjo protestë disa minutëshe se kontrollorëve është edhe ai i ‘Air Albania’ me destinacion Stamboll-Tiranë, që do të ketë 40 minuta vonesë.

AlbControl është një kompani me kapital 100% shtetëror dhe në varësi të Ministrisë së Infrastrukturës. Pritet që ministrja Balluku të jetë vetë sot në ambientet e AlbControl për të diskutuar për kërkesat e kontrollorëve dhe punonjësve të tjerë.

65 janë kontrollorët që kanë disa kërkesa që pritet t’i negociojnë.  Vitin e kaluar bordi i AlbControl i uli pagat me 62%, ndërkohë që kontrollorët kanë firmosur kontratën e paaftësisë në punë edhe për shkak të stresit ndaj pandemisë, por nuk është marrë parasysh nga drejtuesit.

Kërkesat e kontrollorëve:

– Rikthim i kolegëve në punë;

– Shfuqizim i vendimeve të bordit;

– Rikthimi i pagës së plotë sipas kontratës kolektive;

– Transparencë financiare e plotë për vitin 2020;

– Një anëtar sindikate të jetë anëtarë bordi.

Kjo është hera e parë që ndodh një protestë nga kontrollorët e ‘AlbControl’, të cilët kanë firmosur deklaratën e paaftësisë në punë për shkak të stresit të vazhdueshëm që kanë, ndikuar edhe nga pandemia.

(Lajm në përditësim… )