Nëse keni presion të lartë të gjakut, është mirë të bëni kujdes të veçantë për të mbrojtur veten gjatë shpërthimit të koronavirusit (COVID-19). Hulumtimet e hershme tregojnë se njerëzit me ketë gjendje mund të kenë të ngjarë më shumë të:

• Marrin COVID-19
• Kenë simptoma më të këqija
• Vdesin nga infeksioni

Rreziqet nga tensioni i lartë

Të dhënat nga Kina dhe Italia – vendet e goditura herët nga virusi – tregojnë rrezik më të lartë të infeksioneve dhe komplikimeve të COVID-19 te njerëzit me presion të lartë të gjakut.

Në Kinë, 25% deri 50% të njerëzve që vinin në spitale me koronavirus kishin tension të lartë ose një gjendje tjetër shëndetësore si kanceri, diabeti ose sëmundja e mushkërive. Në Itali, më shumë se 99% e njerëzve që kanë vdekur nga virusi kishin një nga këto kushte – dhe 76% e tyre kishin tension të lartë.

Njerëzit me presion të lartë të gjakut gjithashtu kanë pak më shumë të ngjarë të vdesin nga koronavirusi. Rreziku i tyre është rreth 6% më i lartë se popullsia e përgjithshme.

Cila është lidhja?

Një sistem imunitar më i dobët është një arsye që njerëzit me presion të lartë të gjakut dhe probleme të tjera shëndetësore janë në rrezik më të lartë nga koronavirusi. Kushtet e shëndetit afatgjatë dhe plakja dobësojnë sistemin tuaj imunitar, kështu që është më pak i aftë për të luftuar virusin. Gati dy të tretat e njerëzve mbi 60 vjec kanë presion të lartë të gjakut.

Një mundësi tjetër është që rreziku më i lartë të vijë jo nga vetë tensioni i lartë, por nga ilaçe të caktuara të përdorura për ta trajtuar atë – Frenuesit ACE dhe bllokuesit e receptorëve të angiotenzinës (ARBs). Kjo është vetëm një teori, pasi ende nuk ka ndonjë hulumtim se çfarë ndikimi, nëse ka, këto ilaçe mund të kenë në COVID-19.

Teoria bazohet në faktin se frenuesit ACE dhe ARB ngrejne nivelet e një enzime të quajtur ACE2 në trupin tuaj. Dhe për të infektuar qelizat, virusi COVID-19 duhet t’i bashkëngjitet ACE2.

Derisa të vijnë më shumë hulumtime, Kolegji Amerikan i Kardiologjisë dhe Shoqata Amerikane e Zemrës rekomandojnë që të vazhdoni të merrni ilaçin tuaj për presionin e lartë të gjakut siç përshkruhet. Nëse jo, kjo mund të rrezikojë për një sulm në zemër ose goditje në tru, duke ju cuar në spital ashtu si ju cojnë rastet e koronavirusit.

Si Koronavirusi prek njerëzit me presion të lartë të gjakut

Ndërsa pneumonia është ndërlikimi më i zakonshëm i virusit, ai gjithashtu mund të dëmtojë sistemin kardiovaskular. Kjo është arsyeja pse njerëzit me presion të lartë të gjakut, sëmundje të zemrës dhe infarkt janë në rrezik.

Presioni i lartë i gjakut dëmton arteriet dhe zvogëlon rrjedhën e gjakut në zemrën tuaj. Kjo do të thotë që zemra juaj duhet të punojë më shumë për të pompuar gjak të mjaftueshëm. Me kalimin e kohës, kjo punë shtesë mund të dobësojë zemrën tuaj deri në atë pikë sa të mos mund të pompojë gjak sa duhet të pasur me oksigjen në trupin tuaj.

Koronavirusi gjithashtu mund të dëmtojë zemrën drejtpërdrejt, i cili mund të jetë veçanërisht i rrezikshëm nëse zemra juaj tashmë është dobësuar nga efektet e presionit të lartë të gjakut. Virusi mund të shkaktojë inflamacion të muskujve të zemrës të quajtur miokardit, gjë që ja bën më të vështirë zemrës pompimin.

Nëse gjithashtu keni pplaka te ndërtuara në arteriet tuaja, virusi mund t’i bëjë ato pllaka të prishen dhe të shkaktojë një atak në zemër. Studimet e kaluara kanë treguar që njerëzit me sëmundje të zemrës që marrin një sëmundje respiratore si gripi ose llojet e mëparshme të koronavirusit, kanë më shumë rrezik për një atak në zemër.

Çfarë duhet të bëni?

Të gjithë duhet të marrin masa paraprake për të parandaluar koronavirusin. Njerëzit me presion të lartë të gjakut dhe kushte të tjera shëndetësore duhet të jenë ekstra të kujdesshëm.

CDC ofron këtë këshillë:

• Sigurohuni që keni ilaçe të mjaftueshme për të trajtuar tensionin e lartë dhe gjendjet e tjera shëndetësore.
• Rezervoni ilaçe pa recetë për të trajtuar ethet dhe simptoma të tjera nëse sëmureni.
• Qëndroni në shtëpi dhe kufizoni kontaktin me njerëzit e tjerë sa më shumë që të keni mundësi.
• Shmangni turmat dhe këdo që duket i sëmurë.
• Lani duart shpesh me sapun dhe ujë të ngrohtë.
• Pastroni dhe dezinfektojini të gjitha sipërfaqet e prekura shpesh si tavolinat dhe dorezat e dyerve.

Një vaksinë koronavirusi nuk është ende në dispozicion, por Kolegji Amerikan i Kardiologjisë ju rekomandon të qëndroni të azhornuar në vaksinat tuaja të tjera. Vaksina pneumokokale do t’ju ndalojë të merrni pneumoni në pikun e koronavirusit. Merrni gjithashtu një vaksinë kundër gripit. Simptomat e saj janë lehtesisht të ngatërrueshme me koronavirusin, gjë që mund ta bëjë më të vështirë që mjekët të diagnostikojnë nëse sëmureni.

VERITAS.COM.AL/