TIRANË- Kryeministri i Shqipërisë, Edi Rama, ka ndarë mëngjesin e sotëm një mesazh frymëzues në rrjetin social “Facebook”, duke vlerësuar punën e mjekëve shqiptarë në Spitalin Universitar “Shefqet Ndroqi”.

“MIRËMËNGJES  dhe me këtë shembull frymëzues nga mjekët tanë në Spitalin Universitar “Shefqet Ndroqi”, që prej kohësh aplikojnë kirurgjinë më të avancuar koronare, ju uroj një javë të mbarë,”, shkruan Rama.

Shefi i qeverisë solli në vëmendje arritjet e stafit mjekësor shqiptar, duke theksuar se falë përkushtimit dhe profesionalizmit të tyre, në vend tashmë realizohen ndërhyrje të standardeve më të larta  në fushën e kardiokirurgjisë.