Në territorin e Lezhës në dy ditët e fundit nuk ka pasur reshje shiu dhe kjo ka bërë që situata të përmirësohet ndjeshëm. Strukturat e Emergjencave Civile thonë se po monitorojnë gjendjen nga afër, ndërsa aktualisht janë rreth 80 hektarë tokë bujqësore të përmbytura, kurse niveli i lumenjve është brenda normave. Aktualisht të gjitha rrugët në nivel qarku janë të kalueshme dhe nuk është raportuar asnjë problematikë.
Raportimi për gjendjen në qark:
Në territorin e Qarkut Lezhë nuk ka patur reshje shiu, situata mund të themi se është normalizuar, me përjashtim të ish kënetës së Torovicës. Kuotat lumit Drin, Mat janë në nivel normal. Me kapacitet të plotë hidrovorët e mëposhtëm.
Hidrovoret e tjerë punojnë për ruajtjen e kuotave, herë pas here. Nga strukturat e MC të bashkisë Kurbin raportohet:Në ish kënetën Gjonëm ujë është tërhequr dhe nuk ka sipërfaqe të përmbytur. Nga strukturat e MC të bashkisë Lezhë, raportohet: Në ish kënetën e Torovicës, njësia administrative Balldren, vazhdon të kemi të përmbytur aktualisht rreth 50 ha. Në njësinë administrative Zejmen vazhdon të kemi kemi rreth 30 ha toke bujqësore te përmbytura ne ish kënetën Spiten –Tresh.
Në total si qark kemi rreth 80 ha tokë bujqësore të përmbytur
Nga strukturat e MC të bashkisë Mirditë, raportohet: Situata në bashkinë Mirditë paraqitet e qete. Reshjet e shiut janë me intensitet të ulët. Probleme të furnizimit me energji elektrike dhe ujë të pijshëm nuk raportohen.
Akse rrugore të bllokuara nuk raportohen. Gjendja e digave të ujëmbledhësve është nën monitorim të vazhdueshëm nga strukturat e MC të bashkive, deri tani nuk raportohen problem. Ne zbatim të detyrave të deleguara nga Prefekti i Qarkut Lezhë situata është nën monitorim të vazhdueshëm.
75 482 
