
Që nga sot (2 Prill 2025), qytetarët e Bashkimit Europian u bashkohen udhëtarëve të 48 vendeve të botës, të cilëve tani u kërkohet që të kenë Autorizim Elektronik të Udhëtimit (ETA) dhe të paguajnë një tarifë për të hyrë brenda kufijve të Mbretërisë së Bashkuar.
Më parë udhëtarët nga BE mund të hipnin në avion dhe ajo që duhet të bënin ishte thjesht të shijonin udhëtimin dhe më pas të paraqiteshin tek pika e kontrollit të pasaportave në ulje. Kurse tani udhëtarët që nuk kanë vizë për të hyrë në MB duhet të marrin autorizim paraprakisht nëpërmjet skemës së re të regjistrimit digjital.
ETA është e ngjashme me ESTA-n e Shteteve të Bashkuara, e cila është një autorizim i detyrueshëm, me pagesë për të udhëtuar, me verifikimin e sigurisë të bërë paraprakisht. Skema debutoi për shtetasit e Këshillit të Bashkëpunimit të Gjirit në vitin 2024 dhe më vonë u shpërnda tek udhëtarët e tjerë joevropianë duke përfshirë 6 milionë udhëtarë nga SHBA-të, Kanadaja dhe Australia që hynin në Mbretërinë e Bashkuar çdo vit.
Më poshtë tregohet lista e plotë e shteteve që u kërkohet ETA për të hyrë në MB:
- Andorra, Antigua dhe Barbuda, Argjentina, Australia, Austria, Bahamas, Bahrein, Barbados, Belgjika, Belize, Botsvana, Brazili, Brunei, Bullgaria, Kanadaja, Kili, Kosta Rika, Kroacia, Qipro, Çekia, Danimarka, Estonia, Finlanda, Franca, Gjermania, Greqia, Grenada, Guatemala, Guajana, Rajoni i Posaçëm Administrativ i Hong Kongut, Hungaria, Islanda, Italia, Izraeli, Japonia, Kiribati, Kuvajti, Letonia, Lihtenshtajni, Lituania, Luksemburgu, Rajoni i Posaçëm Administrativ i Makaos, Malajzia, Maldivet,
- Malta, Ishujt Marshall, Mauritius, Meksika, Shtetet Federative të Mikronezisë, Monako, Nauru, Holanda, Zelanda e Re, Nikaragua, Norvegjia, Omani, Palau, Panamaj, Papua Guinea e Re, Paraguaj, Peruja, Polonia, Portugalia, Katari, Rumania, Samoa, San Marino, Arabia Saudite, Seychelles, Singapor, Ishujt Solomon, Koreja e Jugut, Sllovakia, Sllovenia, Spanja, St Kitts dhe Nevis, Shën Luçia, Shën Vincenti dhe Grenadinet, Suedia, Zvicra, Tonga, Tuvalu, Emiratet e Bashkuara Arabe, Shtetet e Bashkuara, Uruguai, Qyteti i Vatikanit/abcnews.al
Komente