Këtë të hënë, 27 prill 2026, në Gjykatën e Posaçme kundër Korrupsionit dhe Krimit të Organizuar (GJKKO) ka nisur gjyqi në themel ndaj ish-presidentit Ilir Meta, ish-bashkëshortes së tij Monika Kryemadhi, si dhe tre të pandehurve të tjerë për të njëjtën dosje hetimore.

Siç mund ta shihni në pamjet e mëposhtme, Meta flet për herë të parë publikisht, që pas arrestimit të tij…

“Gënjeshtra, shpifje e kallëzues të rremë! Një proces i turpshëm!”, dëgjohet teksa thotë ai brenda kafazit të qelqtë.

Mësohet se gjatë hyrjes në sallë ai ka përshëndetur publikun, fillimisht me dy gishtat lart dhe më pas ka bërë shqiponjën me duar, duke thënë: Shqipëria, e shqiptarëve!

Meta, i cili akuzohet për pastrim parash, korrupsion pasiv dhe fshehje pasurie, ka kërkuar që seancat gjyqësore të transmetohen drejtpërdrejt për publikun, me qëllim garantimin e transparencës së plotë.

Për këtë, ai i është drejtuar më herët gjykatës me një letër të posaçme, ku thekson se transparenca dhe llogaridhënia janë detyrim për çdo institucion dhe funksionar publik.

Përfaqësues të Partisë së Lirisë në Gjykatën e Posaçme për të ndjekur nga afër seancën.

E pranishme gjithashtu është edhe Monika Kryemadhi.

Kreu i Partisë së Lirisë u arrestua më 21 tetor 2024, teksa po hynte në Tiranë, në një operacion të forcave speciale. Deri më tani, Meta i ka mohuar të gjitha akuzat, ndërsa pritet që në këtë proces të ketë për herë të parë një përballje të drejtpërdrejtë me prokurorët në sallën e gjyqit, në prani të kamerave.