Lajmin e hidur për vdekjen e artistes së shquar e ka dhënë para një ore Zeta Gallery në Tiranë

Lumturi Blloshmi (Tiranë 23.08.1944- 27 nentor 2020)  ishte pjesë e artistëve bashkëkohës modernë shqiptarë.

Artistja Blloshmi kryeu  Liceun Artistik “Jordan Misja”, Tiranë (1959-1963) dhe vazhdoi studimet në Institutin e Lartë të Arteve,Tiranë dhe diplomohet në vitin 1968.

Blloshmi është anëtare e shoqatës së grave artiste shqiptare “Linda”. Piktorja Blloshmi filloi krijimtarinë në prag të ngjarjeve të vështira që kalonin artistët në Shqipëri në vitet 1973-1974, ku mjaft udhëheqës të lartë të Partisë dhe shtetit si dhe krijues artistë u dënuan me burgime nga diktatori i atëhershëm Enver Hoxha.

Pra, në këtë atmosferë ajo punoi kryesisht pejzazhe e portrete me të cilat prezantohet në ekspozitat kombëtare të kohës, të cilat janë realiste.

Shkrimtarja Natasho Lako i bën një kërkesë kryetarit të Bashkisë, Erion Veliaj:

“Zotit Erion Velia

Bashkia TIrane

Galerise se ARTEVE

Ju lutem ne interes te trashigminise se Lumturi Blloshmit, interesohuni per fatin e pikturave te saj, qe gjenden ne dy apartamente te ndryshme. Lumturi Blloshmi jetonte vetem. Me sa di une nuk ka ne Tirane te afert dhe ka qene gjithenje e shqetesuar per fatin e veprave te saj”.

Piktorja e njohur Lumturi Blloshmi ka ndërruar jetën si pasojë e COVID-19.

Ajo ishte e shtruar prej 3 javësh në spitalin Infektiv, ku fatkeqësisht nuk arriti të mbijetoi.

Blloshmi ndërroi jetë në moshën 76-vjeçare,  duke lënë pas një vepër të madhe në artin dhe pikturën shqiptare. Të gjitha vitet e jetës ia dedikoi pikërisht profesionit që ishte kthter në pasionin e saj më të madh’, shkruan zonja Lako.

VERITAS.COM.AL