Të premten (13 gusht) ka ndërruar jetë politologu kosovar, Ramush Tahiri, njofton Radio Evropa e Lire.

Tahiri një periudhë ka qenë këshilltar i presidentes së Kosovës, Atifete Jahjaga e cila ka shërbyer në këtë pozitë nga viti 2011 deri në vitin 2016, si dhe i Nexhat Dacit, derisa ka qenë kryetar i Parlamentit të Kosovës, në vitet 2001-2006.

Ish-presidentja, Atifete Jahjaga, shprehur pikëllimin nga humbja e bashkëpunëtorit të saj.

“Me Ramushin kaluam nëpër batica e zbatica politike gjatë kohës sa isha presidente e Republikës. E çmoja për maturinë e tij dhe besimin e palëkundur se mund të zgjidhen problemet edhe kur ato dukeshin të pazgjidhshme”, ka shkruar Jahjaga në rrjetin social Facebook.

Politologu Tahiri për shumë vite ka qenë pjesë e pjesëmarrës aktiv i jetës publike në Kosovë me diskutime, analiza dhe opinione për aktualitetin politik.

Gazetari Milaim Zeka, që njëherit ishte mik i ngushtë me të ndjerin, ka publikuar bisedën e fundit me Tahirin.

“Ne kepute shpirtin, na zhbirove zemren, e ne çmende trurin”, shkroi Zeka.

Pas vetës, Tahiri ka lënë gruan, profesoreshën universitare, Lindita Tahiri dhe dy djemtë.

Ai ka qenë këshilltar politik i presidentes së vendit, Atifetje Jahjaga.

Ai ashtu ka qenë edhe këshilltari Nexhat Dacit, kryeparlamentarit të parë të Kosovës.

 

Më poshtë gjeni shkrimin e plotë të Zekës:

 

Askush nuk po besojme ikjen Tende, Ramush Tahiri

Sa shume ke me na mungu. Po shume ke ma u mbajte ne mend, per gjitheçka. Ti je pjese e historise te Kosoves. Tridhjete vite bashke, ne gezime e hidherime.

Kurr nuk do i harroje keto mesazhe ne ditete e fundit te jetes. Kurr nuk u dorezove…