Një ditë më parë presidenti Ilir Meta dekretoi pa asnjë hezitim të gjithë emrat e propozuar si ministra nga Edi Rama.
Gazetari Top Channel, Muhamed Veliu mëson se shumica socialiste në parlament do t’i propozojë konferencës së kryetarëve mbledhjen e parlamentit të enjten 16 shtator për votëbesimin e qeverisë ‘Rama 3’.
Përpara betimit në presidencë Kryeministrit do t’i duhet të marrë votëbesimin në parlament përmes një seance të posaçme nga ku do të prezantojë programin e qeverisë.
Kjo pritet të jetë një seancë e gjatë dhe me debate pasi çdo ministër do të paraqesë programin e ministrisë që do të drejtojë e t’i përgjigjet pyetjeve nga opozita.
Kjo seancë zhvillohet përpara kësaj të diele të 19 Shtatorit pasi kryeministri udhëton drejt New York-ut për të marrë pjesë në punimet e asamblesë vjetore të OKB-së.
75 578 
