Një automjet me pasagjerë ka rënë në një greminë, në një lartësi prej mbi 20 metra në aksin Krastë- Bulqizë.

Katër persona janë plagosur, dy prej të cilëve janë transportuar drejt Tiranës pasi ndodhet në gjendje më të rëndë shëndetësore. Në makinë udhëtonin 5 persona, 3 prej të cilave janë gra.

Policia njofton se drejtuesi i mjetit është larguar nga vendngjarja. Autoritetet kanë nisur kërkimet për të arratisurin.

Njoftimi i Policisë:

Rreth orës 17.50, Policia e Bulqizës ka marrë njoftim se në aksin e rrugës dytësore Krastë-Bulqizë, një automjet  ka dalë nga rruga.

Menjëherë është ngritur grupi hetimor ku nga  verifikimet paraprake kanë konstatuar  se ka dalë rreth 20 metra poshtë rrugës,  automjeti tip ‘Mercedez Benz’, me drejtues Y.H, dhe për pasojë janë dëmtuar pasagjerët , A.S,  45 vjeç, i cili është transportuar me helikopter drejt Tiranës, D.M, 42 vjeçe, është transportuar me ambulancë drejt Tiranës, Xh.K, 44 vjeçe, dhe V.K, 32 vjeçe, të cilat po marrin ndihmë në Spitalin e Bulqizës, jashtë rrezikut për jetën.

Po punohet për kapjen e drejtuesit të automjetit pasi është largur nga vendi i ngjarjes.

Grupi hetimor vijon hetimet në vendin e ngjarjes, po punohet për zbardhjen e shkaqeve të aksidentit