Sa shume njerez martohen ne vendin tone!  Kete pyetje si cudi e bejme shume shpesh, madje sa here shikojme turma te veshura luks dhe makina te veshura me simbole dasmash.

Por martohen po kaq shume edhe ne kete kohe pandemie.Dëshira e çifteve për një dasmë me miq dhe farefis edhe pse në kohë pandemie dhe tundimi i pronarëve të lokaleve për të shtuar fitimet në dhjetëra raste ka rezultuar më i madh se frika e të dy palëve nga koronavirusi.

 Por shkelja e protokolleve të sigurisë ka rezultuar me pasoja financiare për këta të dytët. Të paktën 40 pronarë lokalesh janë gjobitur nga Policia e Shtetit gjatë muajve të fundit, pasi janë zënë duke zhvilluar ceremoni martesore apo mortore në ambiente të mbyllura.

Burime të policisë saktësuan se bëhet fjalë për gjoba nga 1 milion lekë, gati 40 milionë në total, në zbatim të aktit normativ të 15 marsit për marrjen e masave gjatë situatës COVID.

Në më shumë se 10 raste pronarët e lokaleve nuk kanë zënë mend, pasi kanë vijuar punën me dasmat apo drekat e vdekjeve edhe pas gjobës. Pas konstatimit të përsëritjes së shkeljes atyre iu është bllokuar aktiviteti për 6 muaj si edhe kanë marrë gjoba nga 3 milionë lekë.

Sipas burimeve, totali i gjobave të prera nga Policia e Shtetit për pronarë biznesesh apo individë që kanë neglizhuar dhe shkelur protokollet e sigurisë COVID-19 është mbi 70.

Numri më i lartë i të pabindurve për masat e sigurisë ndaj koronavirusit i përket kryeqytetit. Në rang zbritës, pas Tiranës vijnë Lezha, Vlora, Berati, Fieri, Dibra dhe Korça.

VERITAS.COM.AL/

Etiketa:

  • COVID
  • dasma