PD, deri tani vetëm 15 kandidatë për zgjedhje. Në mesnatë skadon afati për regjistrimin në KQZ

Enkelejd Alibeaj i shmanget garës në 3 bashki të mëdha dhe votat e demokratëve, po i çon te Foltorja.

Në garën zgjedhore të 14 majin për bashkinë Elbasan, Durrës dhe Shkodër, në listën kadidatëve për kryebashkiak, nuk do të jetë logoja e Partisë Demokratike, dhe demokratët do të kenë vetëm një opsion për të votuar, kandidatët e Berishës, të strehuar në logon koalicionit me Ilir Metën.

Orët e gjata të disktuimeve gjithë javës së kaluar, nxorën vetëm një kandidat, atë për Baahkinë e Tiranës, me Roland Bejkon, që u zyrtarizua mbrëmjen e së dielës.

Është vetëm një listë e shkurtër, në total me 15 bashki, ku PD zyrtare del me kandidatë, si në Dibër, Korçë, Lezhë, Fier dhe në disa bashki të vogla si Dimali, Patosi, Poliçani, Librazhdi.

Veriu i vendit, aty ku demokratët pretendojnë për më shumë, i është lënë i lirë Sali Berishës dhe kandidatëve të tij të zyrtarizuar që në dhjetor.

Një vendim i vështirë për Alibeajt rezultojnë dhe 2 bashki të tjera, ajo për Vaun e Dejës dhe Kurbinin. Për këto dy bashki, që Alibeaj më parë ka nxjerr emrat, konkretisht të Klomentin Drinit dhe Genc Doçit, ende nuk ka një vendim, nëse do të kandidojnë apo jo.

KANDIDATËT E ALIBEAJT