Në muajin dhjetor Arben Kraja duhet të lërë postin që mban dhe do të kalojë si prokuror i thjeshtë. Ndërkohë që afati i fundit i lënë nga KLP për të kandiduar është 2 nëntori. Fillimisht pati një hezitim nga prokurorët. Javët e fundit pati shumë sulme e akuza ndaj prokurorëve dhe madje hyri në lojë dhe ambasadorja e SHBA. Dhe duket se prokurorët e kanë mposhtur frikën pasi kemi dy emra zyrtarë në garëPor kush është Edvin Kondili? Bëhet fjalë për një ndër prokurorët që doli tërësisht i pastër në veting. Po ashtu ai garoi përballë Arben Krajës 3 vite më parë, pasi që kur u ngrit SPAK shfaqi interes për drejtues të saj. Në atë kohë ai foli para KLP duke dhënë argumentet e tij.

“Kam shprehur dëshirën për drejtimin e SPAK nisur nga motivimi dhe eksperienca ime. Ngritja e SPAK do të bazohet në objektiva konkrete në afate sa më të shpejta: krijimi i BKH si plotësues e SPAK. Garantimi total e pavarësisë së prokurorëve, mentaliteti ndryshuar i prokurorëve larg centralizimit e dikurshëm. Prokurori është përgjegjës për të gjitha veprimet e veta.

Organizimi i veprimit për çështjet nën hetim, protokolle hetimore konkrete me afate të qartë hetimi. Puna në grup, një qëllim të përbashkët e gjithë SPAK: aplikimi i hetimeve proaktive për hetime pasurore. Opinioni publik pret rezultate konkrete dhe është detyra jonë parësore të vijmë në pritshmërinë e tij. Bashkëpunimi me agjencitë të tjera ligjizbatuese me rëndësi të veçantë: efektiv, në kohë sa më të shkurtër dhe me mjetet të përshtatshme për çdo çështje. Marrëdhënia me publikun shumë e rëndësishme dhe bashkëpunuese sigurisht pa cenuar sekretin hetimor”, është shprehur ai.

Edvin Kondili e ka nisur karrierën në sistemin e drejtësisë në vitin 2004. Ai ka mbaruar Shkollën e Magjistraturës dhe punoi prej vitit 2004 pranë Prokurorisë për Krimeve të Rënda. Paralelisht me punën si prokuror, Kondili është angazhuar si lektor në Shkollën e Magjistraturës dhe si ekspert për organizatat ndërkombëtare.

Një ndër dosjet e bujshme që ka ai në dorë është ajo e koncesioneve në shëndetësi