Të tjera detaje kanë dalë nga atentati me tritol në Tiranë, ku një person mbeti i plagosur rëndë.

Mësohet se ai është Prend Gjini, ndërsa ngjarja ndodhi tek ura e NISHARAK-ut.

Gjinit pak kohë më parë i kanë vrarë edhe vëllain e tij, Armando Gjinin. Ky i fundit u ekzekutua në Rrëshen para fëmijëve të tij.

Shkak i ngjarjeve kriminale mendohet se është tregtia e paligjshme e narkotikëve.

Armando Gjini i cili u ekzekutua nje vit me pare me armë zjarri në qendër të Rrëshenit njihej si pjesë e bandës së Met Kananit, i njohur nga mediat turke si “Eskobari shqiptar” për shkak të famës që ai ka marrë atje si koka e një rrjeti të madh të trafikut të lëndëve narkotike.

Gjini u arrestua ne vitin 2018si pjesë e grupit të baronit të drogës, Kanani. Vitin e kaluar në kuadër të operacionit ‘Precizioni’ Gjini u arrestua së bashku me 37 persona të tjerë, ndërsa u sekuestruan 8 ton drogë. Ushtria e Met Kananit shkëmbente kanabisin nga Shqipëria me heroinë nga Turqia. Por 4 ditë pas arrestimit Gjini u lirua nga burgu.