Tarifat e Donald Trump kane nxjerr ne siperfaqje nje perplasje publike mes presidentes Vjosa Osmani dhe ministrave ende ne detyre te qeverise Kurti 2.

Rrjetet sociale kane qene fusha e betejes. Pak orë pasi presidentja Osmani bëri publike kërkesën e saj per heqjen e tarifave te Kosoves per mallrat e importit te SHBA-ve, si nje shenje se ky vend do te forcoj marredheniet me Uashingtonin, reagoj ministri në detyrë i Financave, Hekuran Murati, duke deklaruar se nje shtet serioz këto çështje i trajton larg mediave “dhe publiku njoftohet kur te dy palet kane dale me nje vendim.”

Sipas Muratit, kërkesa e presidentes u bë publike në mediat sociale vetëm tre minuta pasi iu dërgua Qeverisë.

“Sot pas orarit të rregullt të punës, në lajme lexova që Presidentja e vendit i paska bërë kërkesë Qeverisë që të pezullojë tarifat ndaj produkteve me origjinë nga ShBA-të. Kërkesa permes emailit dërguar në adresë të Qeverisë erdhi në 17:39 minuta, ndërsa kjo gjë ishte bërë publike në rrjetin social X në 17:42, vetem 3 minuta më vonë”, ka shkruar Murati në Facebook.

Menjëherë i është kundërpërgjigjur Bekim Kupina, këshilltar për media i presidentes, sipas te cilit Murati është personi i fundit në Kosovë që mund të flasë për seriozitet.
Kupina e ka quajtur të turpshëm, skandaloz e mungesë respekti bazik institucional reagimin e Muratit.

Presidenti amerikan, Donald Trump, ka shpallur tarifat e reja ndaj partnerëve tregtarë të Shteteve të Bashkuara të Amerikës, mes te cilave per Kosoven tarifa eshte 10 perqind, ndersa Kosova nuk e di ende se kush do t’i qeverisë.