Më 2 mars mbahet në Athinë, Panairi i Punës me sipërmarrës e biznese shqiptare që do ofrohen për shqiptarët atje.

Në panairin e punës “Puno dhe jeto aty ku ke zemrën” do të jetë të pranishëm edhe kryeministrin Edi Rama.

Përmes një postimi në Facebook, Rama shkruan: “Të dielën më keni në Eladha, po ju që jeni jashtë shikojeni pak këtë ju lutem Dhe mbrëmje të këndshme të gjithëve”.

Në video Rama sqaron gjithashtu mënyrën e aplikimit për emigrantët që duan të regjistrohen në PER në KQZ për të votuar më 11 maj nga vendet ku jetojnë.

“Tani një porosi kam unë për shumë kënd në diasporë që nuk i është aprovuar regjistrimi. Është bllokuar se e kanë venë nga kjo anë e kartës, po adresa është nga pjesa e pasme e kartës. Do u lutesha shumë emigrantëve që nuk u është aprovuar kërkesa në platformën e KQZ , duhet ta vendosin kartën nga pjesa e pasme ku është edhe adresa”, sqaron Rama.