Vetëm pesë ditë pasi ishin martuar, një çift bashkëshortësh në Librazhd është vetë helmuar ku për pasojë 19 vjeçarja Rezarta Hajdari humbi jetën, ndërsa bashkëshorti i saj, Olsiani, është në gjendje të rëndë në spital.

Çiftin e gjeti nëna e djalit në dhomën e tyre, të cilën e kishin kyçur.

Ndërkohë detaje të reja janë zbuluar nga hetimi rreth kësaj ngjarjeje të rëndë.

Pista ku po hetohet është edhe ajo e një helmimi të mundshëm që persona të tjerë mund t’i kenë bërë çiftit të sapomartuar.

Të dy të të rinjve- sipas mjekëve- u vinte aroma fotoksinë, por asnjë ambalazh fotoksine nuk është gjendur në dhomën ku u gjetën të rinjtë.

Vajzës në morgun e qytetit ka nisur ti ndjehet era e fortë e helmit, pasi në momentet e mbërritjes në spital mjekët ishin të paqartë në lidhje me helmin.

Sipas shpjegimit të mjekut reanimator dhe toksikologur, sasia e fotoksinës është e madhe. Fotoksina mendohet të jetë futur në ushqim ose në pije.

Sipas ekspertëve, nevojiten disa orë nga konsumi që era e fotoksinës të përhapet si aromë pasi është tretur në organizëm lëngu apo ushqimi në të cilën është shoqëruar.

Policia e Elbasanit dyshon që çifti i të rinjve të jenë helmuar, jo vetë -helmuar, megjithatë kjo mbetet ende një pistë për të cilën policia po merr në pyetje persona të afërm të familjes.

Veritas.com.al/