Në javën e pestë  të Shqipërisë me Covid 19, kryeministri Edi Rama përcolli një mesazh optimizmi duke theksuar se “FALË MASAVE TË SHPEJTA E TË FORTA DHE REZISTENCËS TË SHKËLQYER, 10 DITËT E FUNDIT KEMI RËNIE GRADUALE TË SHTRIMEVE NË MJEDISET SPITALORE COVID”.

“Ky tregues që e has shumë pak, për të mos thënë fare në vendet e tjera nën agresion, ku mbingarkesa e spitaleve po vjen si haraç për vonesat në marrjen e masave, na thotë qartë se e para, po bëjmë gjënë e duhur; e dyta, duhet të vazhdojmë kështu, me durim të madh, sepse armikun e kemi pas çdo porte; e treta; po vazhduam kështu do të dalim më shpejt fitimtarë se shumë të tjerë, më të mirë, më të fortë dhe me kokën lart përpara brezave që vijnë nga kjo sfidë historike”.

Në një kohë kur kryeministri kërkon vijimin e durimit nga qytetarët duket se ky durim i nevojshëm nuk është fare pjesë e agjendës së tyre.

Lehtësimi i masave ku përfshihet edhe lëvizja me makinë e atyre që u lejohet të shkojnë në punë është duke u abuzuar.

Nëpër makinat private që lëvizin në tiranë në vendin e pasagjerit janë ulur gra fëmijë madje edhe çifte të rinjsh duke dalë nga shtëpitë e bërë xhiro e harruar se lufta me Covid 19 është ende larg së përfunduari.

Ndërkohë që Covid 19 vijon të jetë prezent në Shqipëri mjaftoi një lehtësim i vogël i qeverisë për të prodhuar uljen e menjëhershme të vigjilencës nga qytetarët duke përdorur makinat masivisht e i rikthyer kryeqytetit trafikun normal të përpara kësaj beteje me këtë virus vdekjeprurës që nuk kursen asnjë grupmoshë.

VERITAS.COM.AL/