Të tjera detaje mësohen për 71-vjeçarin e ekzekutuar dje nga policia në Elbasan, Lefter Zhidru.

Zhidru me origjinë nga Xarra e Sarandës, mësohet se  dikur ka punuarsi zetorist dhe në vitet ’90 emigroi në Rumani; pasi u kthye ngriti një biznes ambulant të furnizimit të gomisterive me me pulla dhe fitila.

Ata që e njohin thonë se ishte njeri i çuditshëm, por i qetë, megjithëse të tjerë e cilësojnë dhe si problematik.

Burimet thonë se Zhidru është marrë me tregti lëndësh shpërthyese dhe fishekësh dhe kjo shpjegon faktin se dje, pas ekzekutimit të tij, policia i gjeti në banesë lëndë plasëse.

Po ashtu besohet se ai ka pasur lidhje me bandat në Elbasan Vlorë dhe Sarandë, e po ashtu ka lidhje të forta në Rumani dhe Bullgari.

Kujtojmë se Zhidru u vra pas 5 orësh rezistencë duke mos iu bindur thirrjeve të vazhdueshme të policisë për dorëzim ai është vrarë pas përplasjeve me armë.

Pak para se të vritej ai kishte nisur të qëllonte mbi forcat RENEA, dhe nuk i bindej thirrjeve për dorëzim, duke qëlluar në mënyrë të vazhdueshme, ndërsa në fund policia arriti të hapte derën me shpërthim.

Forcat RENEA e vranë 71 vjeçarin Lefter Zhidri sepse ai qëlloi për të vrarë policët. Plumbat e kallashnikovit goditen mburojën antiplumb të policisë që u afrua, siç duket nga fotoja më poshtë. Pasi plumbat goditën policët u dha urdhri për ta ekzekutuar 71-vjeçarin.

VERITAS/