Një shqiptar ka vrarë me thikë bashkëshorten e tij. Ngjarja ndodhi në Udine, Itali, ku Dritan Sulollari masakroi me thikë bashkëshorten Migena Këllezi.

Për këtë ngjarje të rëndë ka reaguar edhe ministri i Brendshëm i Italisë, Marco Minniti.

Një krim ‘i papranueshëm’ e ka cilësuar ministri Minniti, i cili foli para Komisionit Parlamentar të Hetimit për Vrasjen e Grave deklaroi:

“Sot në Gradisca d’Isonzo një burrë vrau me thikë gruan në sy të fëmijës 8-vjeçar.

Jemi përballë një fenomeni veçanërisht shqetësues dhe të papranueshëm.

Nga akte të tillë dhune është në lojë civilizimi i vendit.

Nuk duhet ta ulim kurrë vigjilencën për të reaguar”.

UPDATED:

Një krim i rëndë ka ndodhur në orët e paradites së sotme në provincën e Gorizias, në Udine të Italisë. Një shqiptar ka masakruar me thikë bashkëshorten e tij në banesë, në sy të fëmijës së tyre 8 vjeç.

Mediat italiane kanë zbardhur edhe emrat e çiftit shqiptar. Viktimë e këtij krimi ka mbetur 30-vjeçarja Migena Këllezi, ndërsa autori i dyshuar i vrasjes është Dritan Sulollari, 37 vjeç. Ndërsa shkaqet janë ende të paqarta, mediat italiane thonë paraprakisht se akti i rëndë erdhi pas një sherri për motive xhelozie.

Veritas.com.al/