Anri Kashiku ka humbur jetën tragjikisht, pasi u fut në det në Durrës, për të shpëtuar të vëllanë e shokun e tij.

Ai sa ishte kthyer nga Anglia. 18-vjeçari ishte futbollist dhe ishte angazhuar me ekipin e Teutës.

 Këtë verë, ai zgjodhi të kalonte pushimet në Shqipëri, në bregdetin e Durrësit, ku dhe gjeti vdekjen.

Anri Kashiku pa që i vëllai dhe shoku i tij, të dy nga 15 vjeç, po mbyteshin në det dhe pa u menduar dy herë u fut në ujë për t’i shpëtuar.

Ai arriti t’i nxirrte dy të miturit, por vetë nuk ia doli dot. 18-vjeçari u mbyt në det dhe trupi i tij u gjet pas disa orësh kërkime. Dy 15-vjeçarët janë jashtë rrezikut për jetën.

Si ndodhi ngjarja?

Rresth orës 12:00-13:00 deti ka filluar të trazohet dhe dy 15-vjeçarët kanë hasur vështirësi në ujë. Me t’i parë, Anri Kashiku është futur menjëherë në ujë për t’i shpëtuar.

 I riu ka shkuar fillimisht me pedalone për të shpëtuar të miturit, por edhe mjeti filloi të mbytej. Në këtë moment Kashiku ka vendosur të mos e marrë mjetin, duke shkuar të shpëtojë vëllanë dhe shokun e tij me not. Ndërkohë, dallgët e kanë nxjerrë sërish pdealonen në breg.

18-vjeçari hero ia doli të shpëtonte dy të miturit që tashmë janë jashtë rrezikut për jetën.

Shpresat për ta gjetur të gjallë Kashikun u shuan pasi kaloi kohë dhe nga i riu nuk dukej asnjë shenjë. Policia njoftoi më vonë se kishte gjetur trupin e pajetë të 18-vjeçarit. Pas shumë minutash, trupi i pajetë i Anri Kashikut t është gjetur rreth 20 metra nga bregu i detit.

Etiketa:

  • ANRI KASHIKU
  • Durres